Եվրոպայի ֆուտբոլի առաջնությունների պատմություն․ Եվրո 2000

Պատմությունը




Եվրո 2000-ը ուշագրավ դարձավ դեռևս իր մեկնարկից առաջ։ Մրցաշարն առաջին անգամ անցկացվեց 2 երկրներում՝ Հոլանդիայում և Բելգիայում։ Եվրո 2000-ը չափազանց հետաքրքիր և դիտարժան ստացվեց։ Այն, թերևս, մրցաշարի պատմության մեջ ամենադրամատիկներից մեկն է։ Իսկ հաղթող դարձավ Ֆրանսիայի հավաքականը, որը 2 տարի առաջ տիրացել էր նաև Աշխարհի առաջնության գավաթին։




Որակավորումը

Եվրո 2000-ի որակավորման խաղերի ժամանակ արձանագրվեցին բազմաթիվ հետաքրքիր և անսպասելի արդյունքներ։ Մեր ընտրանու հետ նույն D խմբում էին գտնվում Ուկրաինայի, Ֆրանսիայի, Իսլանդիայի, Անդորայի և Ռուսաստանի հավաքականները։

Արտագնա խաղերում մեր ֆուտբոլիսնտերին հաջողվեց ընդամենը մեկ հաղթանակ տանել՝ 0։3 հաշվով ջախջախելով Անդորային։ Դրան հաջորդեց 4 անընդմեջ պարտություն։ Հայ ֆուտբոլիսները զիջեցին ուկրաինացինիներին, ֆրանսիացիներին, ռուսներին և իսլանդացիներին միևնույն 0։2 հաշվով։ Սեփական հարկի տակ մեր ընտրանին ավելի հաջող ելույթ ունեցավ։ 3։1 հաշվով առավելության հասավ Անդորայի նկատմամբ։ Մեկ ջախջախիչ պարտություն կրեց Ռուսաստանի ընտրանուց (0։3), որին հետևեցին ուկրաինացիների և իսլանդացիների հետ գոլազուրկ ոչ-ոքիները։ Համառ պայքարում ֆրանսիացիները վերջապես կարողացան կոտրել հայերի դիմադրությունը և 2։3 հաշվով հաղթանակ տանել։ Այսպիսով, Հայաստանի ընտրանին, հավաքելով 8 միավոր, հանգրվանեց նախավերջին հորիզոնականում։

Այս խմբից եզրափակիչ փուլ դուրս եկավ Ֆրանսիան, իսկ Ուկրաինան անցումային հանդիպումների ժամանակ պարտվեց Սլովենիային։




Եզրափակիչ փուլ

Մրցաշարի առաջին իսկ խաղում A խմբում անակնկալ հաշիվ գրանցվեց։ Անգլիացիները, որոնք խաղասկբում 2։0 հաշվով առջևում էին պորտուգալացիների հետ խաղում, ոչ միայն չկարողացան հաղթել, այլև ընդունելով 3 գնդակ սեփական դարպասը՝ անակնկալ պարտություն կրեցին։ Գերմանիան ռումինացիների հետ ոչ-ոքի խաղաց։ Պորտուգալացիները շարունակում էին իրենց հաղթարշավը. նրանք նախ հաղթեցին ռումինացիներին (1։0), իսկ ընտրական փուլի վերջին խաղում գրեթե 2-րդ կազմով ջախջախիչ հաղթանակ տարան գերմանացիների նկատմամբ (3։0)։ Վերջին տուրում Ռումինիա – Անգլիա խաղում Օուենի և Շիրերի խփած գնդակներին պատասխանեցին Կիվուն, Մունտյանուն և Մոլդովանը, և ռումինացիները հաջորդ փուլ դուրս եկան։

B խմբի ֆավորիտ համարվող իտալացիների հետ հանդես էին գալիս շվեդները, բելգիացիները և թուրքերը։ Ֆավորիտները 2։1 հաշվով պարտության մատնեցին թուրքերին և շվեդներին, իսկ բելգիացիների հետ խաղում 2 անպատասխան գնդակ ուղարկեցին նրանց դարպասը՝ անառիկ պահելով սեփականը։ Թուրքերի «ոսկե սերունդը» ոչ-ոքի խաղաց շվեդների հետ (1։1), իսկ վերջին տուրում Հաքան Շուքյուրի խփած 2 գնդակի շնորհիվ, հաղթելով բելգիացիներին և B խմբում գրավելով 2-րդ հորիզոնականը, դուրս եկան քառորդ եզրափակիչ։

C խմբի առաջին տուրում իսպանացիներն անակնկալ կերպով պարտվեցին նորվեգացիներին (0։1)։ Զուգահեռ ընթացող խաղում Հարավսլավիան և Սլովենիան իսկական «բալկանյան կոտորած» բեմադրեցին։ Հարավսլավացիներն արդեն իսկ 57-րդ րոպեին հերիք չէ պարտվում էին 3-0 հաշվով, նաև խաղադաշտում 10 հոգով էին մնացել։ Սակայն 67-73-րդ րոպեների ընթացքում նրանք 3 անգամ գրավեցին սլովենացիների դարպասը և կարողացան փրկել հանդիպումը (3։3)։ Երկրորդ տուրում կարծես ամեն ինչ իր տեղն ընկավ. հարավսլավցիները հաղթեցին Նորվեգիային (1։0), իսկ Իսպանիան՝ Սլովենիային (2։1)։ Վերջին տուրում՝ խաղին ավելացրած 5-րդ րոպեին, իսպանացիները կարողացան կամային հաղթանակ տոնել հարավսլավցիների նկատմամբ (4-3)։ Այս խմբից դուրս եկան իսպանացիները և հարավսլավացիները։




D խումբը նույնպես բավականին ուժեղ էր. հոլանդացիները, չեխերը, ֆրանսիացիները և դանիացիները։ Դանիացիները 3 պարտություն կրեցին՝ 3։0 հաշվով ֆրանսիացիներից և հոլանդացիներից, իսկ վերջին տուրում չեխերը 2 անպատասխան գնդակ ուղարկեցին նրանց դարպասը։ Չեխերը նույնպես մեկնարկային 2 խաղերում պարտվել էին։ Խմբի ֆավորիտների՝ Ֆրանսիայի և Հոլանդիայի դիմակայությունը բավականին դիտարժան ստացվեց, սակայն տանտերերը համառ պայքարում պարտություն կրեցին (2։3)։

Քառորդ եզրափակիչները բավականին կանխատեսելի ավարտ ունեցան։ Իտալիան 2։0 հաշվով հաղթեց ռումինացիներին, իսկ պորտուգալացիները նույն հաշվով՝ թուրքերին։ Հոլանդացիները հարավսլավների հետ խաղում քարը քարի վրա չթողեցին (6։1), բայց ամենադիտարժան հանդիպումը կայացավ Ֆրանսիայի և Իսպանիայի միջև։ Ֆրանսիացիները հաշվի մեջ առաջ էին, իսկ իսպանիան խաղի վերջին րոպեներին բաց թողեց փրկվելու հնարավորությունը․ Իսպանիայի ֆուտբոլի կենդանի լեգենդ Ռաուլը չիրացրեց 11 մետրանոցը։

Կիսաեզրափակիչները ֆանտաստիկ էին։ Կարելի է վստահորեն ասել, որ նրանք լավագույնն էին Եվրոների պատմության մեջ։ Առաջնության հայտնություն պորտուգալացիները ֆրանսիացիների հետ խաղում առաջինը հաջողության հասան։ Սակայն ֆրանսիացիները հավասարեցրեցին հաշիվը, իսկ լրացուցիչ ժամանակում՝ 117-րդ րոպեին Զիդանի իրացրած 11-մետրանոցը հաղթական դարձավ։ Մյուս կիսաեզրափակչում հանդիպեցին մրցաշարի բոլոր խաղերում հաղթանակ տարած 2 հավաքականները՝ Իտալիան և Հոլանդիան։ Հոլանդացիները փայլուն հնարավորություն ունեին հաղթելու այս խաղում։ Հանդիպման ընթացքում 11-մետրանոցներ չիրացրեցին Դե Բուրը և Կլյույվերտը, իսկ հետխաղյա 11 մետրանոց հարվածաշարի ժամանակ ավելի դիպուկ էին իտալացիները։ Խաղի հերոս ճանաչվեց իտալացիների դարպասապահ Ֆրանչեսկո Տոլդոն, ով անհավանական կերպով հետ էր մղում հոլանդացիների կատարած 11-մետրանոց հարվածները։

Եզրափակչում ավելի լավ էին հանդես գալիս իտալացիները։ Մարկո Դելվեկիոյի խփած գնդակը տրամաբանական էր թվում, և խաղը մոտենում էր ավարտին։ Սակայն, կրկին անհավատալի զարգացում․ ավելացված ժամանակի 4-րդ րոպեին Վիլտորդը խաղը տեղափոխեց օվերթայմ, իսկ այստեղ Դավիդ Տրեզեգեի խփած գեղեցիկ գոլի շնորհիվ հաղթանակ պարգևեց ֆրանսիացիներին։ Այսպիսով Ֆրանսիան Աշխարհի առաջնության գավաթը նվաճելուց 2 տարի անց դարձավ նաև Եվրոպայի չեմպիոն։ Եզրափակիչն ավարտվեց «ոսկե գոլով», ինչպես և նախորդ առաջնությունում։




Ռմբարկուներ

5 գնդակ

Սավո Միլոշեվիչ (Հարավսլավիա)

Պատրիկ Կլյույվերտ (Հոլանդիա)

4 գնդակ

Նունու Գոմեշ (Պորտուգալիա)

3 գնդակ

Զլատկո Զախովիչ (Սլովենիա)

Սերժիու Կոնսեյսաու (Պորտուգալիա)

Տիերի Անրի (Ֆրանսիա)

2 գնդակ

Դավիդ Տրեզեգե (Ֆրանսիա)

Սիլվեն Վիլտոր (Ֆրանսիա)

Ֆիլիպո Ինձագի (Իտալիա)

Վլադիմիր Շմիցեր (Չեխիա)

Խորհրդանշական հավաքական

Ֆրանչեսկո Տոլդո (Իտալիա)

Լորան Բլան (Ֆրանսիա)

Ֆաբիո Կանավարո (Իտալիա)

Պաոլո Մալդինի (Իտալիա)

Լիլիան Թյուրամ (Ֆրանսիա)

Պատրիկ Վիեյրա (Ֆրանսիա)

Զինեդին Զիդան (Ֆրանսիա)

Լուիշ Ֆիգու (Պորտուգալիա)

Էդգար Դավիդս (Հոլանդիա)

Պատրիկ Կլյույվերտ (Հոլանդիա)

Ֆրանչեսկո Տոտի (Իտալիա)

Հունիսի 4-ի տրանսֆերային լուրերը՝ մեկ շարքով

«Մանչեսթեր Սիթին», «Միլանի» պաշտպան Տիագո Սիլվային ձեռք բերելու համար ստիպված կլինի գործարքի մեջ ներգրավել Պաբլո Սաբալետային: The Sunday Mirror-ի տվյալներով՝ այդպիսին են «ռոսոներիների» պահանջները, ովքեր ցանկանում են բրազիլացու դիմաց ստանալ 25 մլն ֆունտ և Սաբալետայի տրանսֆերային իրավունքները: Եթե տրանսֆերը չկայանա, ապա «քաղաքայինները» կփորձեն գնել «Նյուքասլի» կենտրոնական պաշտպան Ֆաբրիցիո Կոլոչինիին: Նշենք, որ անձամբ Տիագո Սիլվան հակված է «Բարսելոնա» տեղափոխվելու տարբերակին:

«Չելսին» առաջ է անցել «Մանչեսթեր Յունայթեդից» «Նյուքասլի» հենակետային Շեյկ Տիոտեի համար պայքարում: The Mail of Sunday-ի տվյալներով՝ «կապույտները», ի տարբերություն «կարմիր սատանաների», պատրաստ են իվուարցու համար վճարել պահանջվող 20 մլն ֆունտը: Չեմպիոնների լիգայում հաղթելուց հետո լոնդոնյան ակումբի սեփականատեր Ռոման Աբրամովիչը որոշել է գումարներ չխնայել հաջողությունը կրկնելու համար:

«Միլանը» դիտարկում է Դեդեին ձեռք բերելու հնարավորությունը, ով կարող է փոխարինել Տիագո Սիլվային, եթե վերջինս տեղափոխվի «Բարսելոնա»: «Վասկո դա Գամայի» պաշտպանն ամռանը պատրաստվում է տեղափոխվել Եվրոպա, և նրա ծառայություններով հետաքրքրված է իտալական ակումբը, սակայն «Միլանը» Դեդեին գնելու փորձեր կանի միայն Տիագո Սիլվայի շուրջ ստեղծված իրավիճակում պարզություն մտցնելուց հետո: Դեդեի տրասֆերային արժեքը կազմում է 7-10 մլն եվրո:

Չինական «Շանհայ Շենհուա» ակումբի ֆրանսիացի հարձակվող Նիկոլա Անելկան կարող է վերադառնալ Անգլիայի Պրեմիեր լիգա: Նրա ծառայություններով հետաքրրքված է Լոնդոնի «Տոտենհեմը»: Ինչպես հայտնում է The Daily Mail-ը, տեղափոխության ճակատագիրը կախված կլինի այն գումարից, որը չինական ակումբը կպահանջի ֆուտբոլիստի դիմաց: Նշենք, որ ֆուտբոլիստի նկատմամբ հետաքրքրություն են ցուցաբերում նաև «Վեսթ Հեմը» և «ՔՊՌ»-ը:

Ուկրաինայի հավաքականի կիսապաշտպան Անատոլի Տիմոշուկը կարող է կարիերան շարունակել «Նապոլիում»: Իտալական ակումբը ֆուտբոլիստ է փնտրում կիսապաշտպանական գծի ամրապնդման համար, և Տիմոշուկը համապատասխան թեկնածու է: «Նապոլիի» և «Բավարիայի» նախագահների լավ հարաբերությունները կարող են նպաստել գործարքի կայացմանը, հատկապես որ ուկրաինացին էլ դեմ չէ փոխելու ակումբը

«Լիվերպուլը», Դիրկ Կայտին «Ֆենեբահչեին» վաճառելուց հետո, դիտարկում է «Յուվենտուսի» վինգեր Էլյերո Էլիան ձեռք բերելու հնարավորությունը: «Լիվերպուլը» հոլանդացուն փոխարինող է փնտրում, իսկ Էլիան, իր հերթին, ցանկանում է տեղափոխվել այլ ակումբ, քանի որ «Յուվենոտուսում» զրկված է խաղային պրակտիկայից: Մերսիսայդցիները կարող են ձեռք բերել թուրինյան ակումբի նաև մեկ այլ ֆուտբոլիստի՝ Միլոշ Կրասիչին:

Նկարում Տիագո Սիլվան է:

Հունիսի 3-ի տրանսֆերային լուրերը՝ մեկ շարքով

«Միլանի» առաջատար Զլատան Իբրահիմովիչը չի ցանկանում տեղափոխվել «ՊՍԺ»: Վերջերս տեղեկություն էր տարածվել, թե ֆրանսիական ակումբը հետաքրքրված է շվեդ հարձակվողի ծառայություններով: Փարիզեցիներն անգամ պաշտոնական առաջարկություն էին արել Ադրիանո Գալիանիին, սակայն մերժում էին ստացել: Եվ ահա այսօր Իբրահիմովիչը հայտարարել է, որ ցանկանում է հանդես գալ եվրոպական գերակումբում, իսկ «ՊՍԺ»-ն հեռու է գերակումբ լինելուց:
«Շալկեն» ցանկանում է ձեռք բերել «Տոտենհեմի» կիսապաշտպան Ռաֆայել վան դեր Վարտին հարձակվող Կլաս Յան Հունտելարին թիմում պահելու համար: Այս մասին հայտնում է Bild-ը: Հուտելարը հայտարարել է, որ չի հեռանա, եթե գերմանական ակումբը համալրվի բարձրակարգ ֆուտբոլիստներով: Եվ ահա գելզենկիրխեցիները բանակցություններ են սկսել Հոլանդիայի հավաքականում Հունտելարի թիմակից Վան դեր Վարտի հետ: Բացի նրանից, «Շալկեն» հետաքրքրություն է ցուցաբերում «Յուվենտուսի» վինգեր Էլյերո Էլիայի և «Չելսիի» հարձակվող Սալոմոն Կալուի նկամամբ:
«Բավարիայի» և Ուկրաինայի հավաքականի կիսապաշտպան Անատոլի Տիմոշչուկը հայտնվել է «Միլանի» ուշադրության կենտրոնում: Sky Sport-ի տվյալներով՝ «ռոսոներիները» լրջորեն հետաքրքված են ֆուտբոլիստի տրանսֆերով: «Միլանը» կիսապաշտպան է փնտրում Ջենարո Գատուզոյին և Մարկ Վան Բոմելին փոխարինելու համար, ովքեր հեռանում են ակումբից: Տրանսֆերի ֆինանսական պայմանների մասին տեղեկություններ չեն հաղորդվում:
«Լիվերպուլի» կիսապաշտպան Դիրկ Կայտը տեղափոխվում է «Ֆեներբախչե»: Այս մասին հաղորդում է De Telegraaf-ը: Հաղորդվում է, որ հոլանդացին թուրքական ակումբի հետ կկնքի »3 տարվա պայմանագիր: Հիշեցնենք, որ նրա ծառայություններով հետաքրքված էին նաև «Համբուրգը» և «Ֆիորենտինան», ինչպես նաև նրա նախկին ակումբը՝ «Ֆեյենորդը», սակայն Կույտը չի ցանկանում վերադառնալ հայրենիք: Քիչ առաջ այս տեղեկությունը հրապարկվել է նաև թուրքական ակումբի՝ Twitter-ի պաշտոնական էջում։
«Լիվերպուլն» է աչք է դրել «Սուոսնիի» իսլանդացի կիսապաշտպան Գիլֆի Սիգուրդսոնի վրա: Նրա ծառայություններով անձամբ հետաքրքրված է մերսիսայդցիների նորանշանակ գլխավոր մարզիչ Բրենդան Ռոջերսը, ով լավ ծանոթ է ֆուտբոլիստի կարողություններին «Սուոնսիում» համատեղ աշխատանքից: Տեղեկացնենք, որ Սիգուրդսոնի իրավունքները պատկանում էին «Հոֆենհայմին», սակայն անգլիական ակումբն արդեն ձեռք է բերել նրան՝ վճարելով 6,8 մլն ֆունտ:
«Ինտերը» լրջորեն հետաքրքված է Խարկովի «Մետալիստի» պաշտպան Մարկո Տորսիլյերիի ծառայություններով: Ամառային տրանսֆերային պատուհանի ժամանակ «ներաձուրիները» մտադիր են ամրապնդել պաշտպանական գիծը: Հնարավոր ձեռքբերումների թվում դիտարկվում է նաև 24-ամյա արգենտինացին:
«Յուվենտուսը» բանակցություններ է վարում «Պորտոյի» հետ պաշտպան Ռոլանդուի՝ Իտալիա տեղափոխության հարցով: Ինչպես հայտնում է Tuttomercatoweb.com կայքը, «Ծեր սինյորան» ֆուտբոլիստի համար պատրաստ է վճարել 11 մլն եվրո, սակայն պորտուգալացիները պահանջում են առնվազն 15 մլն: Տեղեկացնենք, որ պաշտպանի ծառայություններով հետաքրքրված է նաև «Ռոման»:
Նկարում Զլատան Իբրահիմովիչն է:

Սկսում ենք Մեսսիից

• Անուն` Լիոնել Անդրես Մեսսի


• Դիրք` Հարձակվող


• Ծննդավայր` Սանտա Ֆե (Արգենտինա)


• Ծննդյան ամսաթիվ` 24/06/1987


• Հասակ` 169


• Քաշ` 67


• Դեբյուտ` Էսպանիոլ-Բարսելոնա (0-1, Լիգա), 16/10/2004

Լեո Մեսսին աշխարհի լավագույն խաղացողն է: Այս համեստ արգենտինացին արագության հետ մեկտեղ ունի նաև շատ այլ առավելություններ: Բայց չնայած իր բազմապիսի անհատական արժանիքներին, նա նաև հրաշալի թիմային խաղացող է:

Այս արգենտինացի հարձակվողն իր կարիերան սկսել է 1995 թվականին "Օլդ Բոյս" թիմում, որտեղ նա խաղաց մինչ 2000 թվականը: 13 տարեկանում Լիոնել Մեսսին հատեց Ատլանտիկան իր բախտը Բարսելոնայում փորձելու համար և միացավ մինչ 14 տարեկանների խմբին:

Յուրաքանչյուր տարիքային խմբում Մեսսին նշանակալի զարգացում ապրեց, արագ հերթափոխելով պատանեկան թիմերը. Բարսելոնա C-ին հաջորդեց Բարսելոնա B-ն և ռեկորդային ժամանակահատվածում Մեսսին հայտնվեց առաջին թիմում:

2003-2004 խաղաշրջանի ընթացքում, երբ դեռ 16 տարեկան էր, Մեսսին առաջին անգամ ներկայացավ Պորտոյի հետ ընկերական հանդիպմանը, որը տեղի ունեցավ նորաբաց Դրագաո մարզադաշտում: Դրան հաջորդող հաղթական խաղաշրջանում Մեսսին առաջին անգամ խաղաց 2004 թվականի հոկտեմբերի 16-ին Օլիմպիկ մարզադաշտում` Էսպանիոլի հետ հանդիպման ժամանակ:

Քանի որ թիմի որոշ ռեզերվային խաղացողներ լուրջ վնասվածքներ էին ստացել և չէին կարող մասնակցել խաղերին, Մեսսին ընդգրկվեց Բարսելոնա թիմի հիմնական կազմում: 2005 թվականի մայիսի 1-ին նա դարձավ առաջին ամենաերիտասարդ ֆուտբոլիստը, ով գոլ խփեց: Դա տեղի ունեցավ Ալբասետեի հետ հանդիպման ժամանակ, երբ Մեսսին ընդհամենը 17 տարեկան, 10 ամսական և 7 օրական էր: Հետագայում նրա ռեկորդը գերազանցեց Բոյան Կրկիչը:

Հոլանդիայում մինչ 20 տարեկանների Աշխարհի առաջնության ժամանակ Մեսսին ոչ միայն հաղթեց տիտղոսը, այլև դարձավ առաջատար ռմբարկու և ճանաչվեց մրցաշարի լավագույն ֆուտբոլիստ: 18 տարեկան հասակում նա դարձավ աշխարհի խաղերի ամենահայտնի ֆուտբոլիստը: Կարճ ժամանակ անց, նա առաջին անգամ մասնակցեց միջազգային խաղին` Հունգարիայի հետ հանդիպմանը:

Իր առաջխաղացումը որպես ֆուտբոլիստ եղավ 2005-06 խաղաշրջանում` Յուվենտուսի հետ հանդիպումից սկսած: Նա աչքի ընկավ և՛ "Սանտյագո Բեռնաբեու" մարզադաշտում, որտեղ Բարսելոնան հաղթեց 3:0 հաշվով, և՛ "Ստենֆորդ Բրիջ" մարզադաշտում Չեմպիոնների լիգայի` Չելսիի դեմ խաղի ժամանակ: Վնասվածքի պատճառով Մեսսին չմասնակցեց միայն խաղաշրջանի վերջին խաղին: Ընդհանուր առմամբ, Մեսսին խաղաց առաջնության 17 խաղ, որոնցից 6-ը` Չեմպիոնների լիգա, 2-ը` Կոպա դել Ռեյ: Մեսսին խփեց 6 գոլ:

Հաջորդ խաղաշրջանում Մեսսին մտցրեց նոր մեխանիզմ և զարմացրեց աշխարհն այնպիսի գոլերով, ինչպես օրինակ Թագավորի գավաթի ժամանակ: 2006/07 խաղաշրջանում, թեև թիմը որևէ տիտղոս չհաղթեց, արգենտինացին երկրորդն էր ՖԻՖԱ-ի տարվա լավագույն խաղացողների ցանկում և երրորդը` Ոսկե գնդակում: Նա շարունակում էր աճել 2007/08 խաղաշրջանում, երբ նա խփեց 16 գոլ: 2008 թվականին, Լեո Մեսսին ՖԻՖԱ-ի մրցանակաբաշխության ժամանակ կրկին անգամ գրավեց 2-րդ տեղը:

2008/09 խաղաշրջանում, ինչպես նաև այժմ` առանց Ռոնալդինիոյի, Մեսսին շարունակում է լինել Բարսելոնայի կազմի կարևորագույն անդամը: Նրան հաջողվեց ամբողջ խաղաշրջանի ընթացքում զերծ մնալ վնասվածքներից և, խաղալով 51 խաղ, խփել 38 գոլ: Արգենտինացին հիմնական խաղացող էր նաև երկու եզրափակիչ խաղերի ժամանակ` երկուսում էլ խփելով Բարսելոնայի երկրորդ գոլերը: 2009 թվականին Մեսսին դարձավ ՖԻՖԱ Աշխարհի լավագույն խաղացող և շահեց նաև Ոսկե գնդակը:

Մեսսին իր տեղն ամրապնդեց նաև ազգային հավաքականում` խաղալով Աշխարհի գավաթի (2006) և Ամերիկայի գավաթի (2007) խաղերում: 2008 թվականին նա մեկնեց Պեկինի օլիմպիական խաղերին մասնակցելու, որտեղ իր երկիրը ոսկի շահեց:

ԲՆՈՒԹԱԳԻՐ

Մեսսին գերացանց, սենսացիոն և եզակի ֆուտբոլիստ է: Նա զարմանահրաշ ստեղծարար է, ունի զարմանալի անհատական վարպետություն, և կարողանում է իր մրցակցին անընդհատ պահել լարվածության մեջ: Չնայած բնատուր ձախլիկ լինելուն` նա բազմակողմանի է, կարող է խաղալ և կենտրոնում, և որտեղ որ պահանջվի և այն ոտքով, որն այդ պահին առավել հարմարավետ է:

Գուցե նա այդքան էլ բարձրահասակ չէ, բայց իր արագությունն ու մարզավիճակը թույլ են տալիս նրան հաղթել նույնիսկ ամենատոկուն պաշտպաններին: Նա զարմանալիորեն ուժեղ է և կարողանում է պահել գնդակն այնպես, ասես այն խրված է իր ոտքերի մեջ: Խաղի մեջ նրա նմանը պարզապես չկա:

Նրա սառնարյունությունը և պատասխանատվություն ստանձնելու ունակությունն այնպիսի արժանիքներ են, որ Լեո Մեսսիին դարձնում են մոլորակի լավագույն ֆուտբոլիստ:

ՏԻՏՂՈՍՆԵՐ 

ՖԱ Բարսելոնա2011/12 Կոպա Դել Ռեյ
2011/12 Աշխարհի ակումբային գավաթ
2011/12 Եվրոպայի սուպերգավաթ
2011/12 Իսպանիայի սուպերգավաթ
2010/11 Չեմպիոնների լիգա
2010/11 Լա Լիգա 

2010/11 Իսպանիայի սուպերգավաթ

2009/10 Լա Լիգա

2009/10 Աշխարհի ակումբային գավաթ

2009/10 Եվրոպայի սուպերգավաթ

2009/10 Իսպանիայի սուպերգավաթ

2008/09 Չեմպիոնների լիգա

2008/09 Լա Լիգա

2008/09 Կոպա դել Ռեյ

2006/07 Իսպանիայի սուպերգավաթ

2005/06 Չեմպիոնների լիգա

2005/06 Լա Լիգա

2005/06 Իսպանիայի սուպերգավաթ

2004/05 Լա Լիգա

Արգենտինայի ազգային հավաքական

2008 Ոսկե մեդալ Պեկին'08

2004/05 Աշխարհի գավաթ (մինչ 20 տարեկաններ)

Անհատական մրցանակներ2012 ՖԻՖԱ - ի Ոսկե գնդակ
2011 Եվրոպայի լավագույն խաղացող 

2011 ՖԻՖԱ - ի Ոսկե գնդակ

2009/10 Ոսկե խաղակոշիկ

2009/10 Լա Լիգայի լավագույն ռմբարկու

2009 ՖԻՖԱ-յի Աշխարհի լավագույն խաղացող

2010 Ոսկե գնդակ

2008 ՖԻՖԱ-յի Աշխարհի 2-րդ լավագույն խաղացող

2007 ՖԻՖԱ-յի Աշխարհի 2-րդ լավագույն խաղացող

ԿԱՐԻԵՐԱ

2011-12 ՖԱ Բարսելոնա
2010-11 ՖԱ Բարսելոնա

2009-10 ՖԱ Բարսելոնա

2008-09 ՖԱ Բարսելոնա

2007-08 ՖԱ Բարսելոնա

2006-07 ՖԱ Բարսելոնա

2005-06 ՖԱ Բարսելոնա

2004-05 ՖԱ Բարսելոնա